近日鬧到滿城風雨，到底 NBA 應唔應該開賽？每個人都有自己嘅意見，絕對 respect！見到有唔少球迷喪屌 Kyrie Irving，呢度我有少少意見！

1. 道德高地
有球迷話佢攞住高薪，加上本身有傷，話唔打就唔打，完全冇理過其他其他 NBA 球員要搵食，話佢企喺道德高地云云。大佬 Kyrie 佢現時覺得眼前黑人平權運動重要過打波，咁有乜錯？佢一直勇敢表達自己意見，可以話佢較為率直，但唔可以否定佢嘅自我信念。

2. 英雄主義
話佢美雄主義，扮大佬時又冇解決方法。大佬如果每樣嘢都諗到解決方法先出聲，咁呢個世界根本唔需要有公義，好似你坐車見到有女士俾人非禮，唔通你諗好點樣幫佢處理好後續問題先出聲阻止？

3. 球隊毒瘤
去到邊都搞衰隊波？如果係咁，點解 NBA 唔同球隊嘅管理層仲挖角佢？要知道每個人都有性格，佢做到超級球星都仲係咁有性格，呢點係佢吸引人嘅地方，唔會因為自己出名而做中立人，絕對欣賞！

想睇 NBA 嘅同時，都要易地而處體諒下球星同球員嘅情況。

七月 / 二〇二〇