有好多 NBA 球隊主場無敵，作客就即刻變廢隊，主場戰力大增係因為個籃射慣射熟，加上有主場球迷照住，可以話背住個籃都射得入。香港缺乏大型籃球體育場館，聯賽球隊無所謂主場之利，要數香港人既主場，可能就係平日流左唔少汗水既街頭籃球場。相信如果你去開某一個場練波鬥波，除左因為係屋企附近，或者貪個場有網之外，最重要既係因為場上面有班並肩作戰既波友，打完之後去附近SEVEN吹水，呢個其實就係屬於你既主場。SLAB主場企劃將會周圍踩場為大家搜羅香港各處別具特色既主場，由籃球運動以外發掘更多在地文化點滴。

歡迎投稿介紹你既主場
請將圖片及主場資料發送到 slabhood@slabhk.com