舊物舊事
達摩籃球秘笈

2015/12/17

我哋細細個打籃球除咗自己睇NBA自學之外都冇咩特別途徑,邊似得而家啲小朋友咁幸福,讀幼稚園就俾阿爸阿媽送去跟教練學丫。要打得好過人哋除咗不斷練習之外就係靠一啲輔助工具幫手啟發思維。正所謂「工欲善其事、必先利其器」,今日要同大家分享吓一本喺90年代出版嘅好書<達摩籃球秘笈>!

細個冇錢買書,唔係打波就係打書釘,喺書局入面就係比佢封面嗰句「招招致命、見血封喉」所吸引。點知一打開本書就更加發覺不得了,真係好正!

神龍擺尾、毒蛇纏鷹、五步追魂、海底撈月、欲拒還迎、僵屍移位、偷天換日、投石問路等….. 無數招式睇落容易,其實內藏豐富玄機同包含無數人生哲理,絕對唔係三言兩語所能盡道,秘笈入面表達手法誇張,卻可清楚描述動作中複雜而微妙嘅神髓,真係不得不佩服作者心思。

年少時細佬我就係憑藉秘笈內嗰招「回眸一笑」雄霸屋邨球場!

「得秘笈,得天下」莫過於此!

書名  :達摩籃球秘笈
作者  :肯特
出版年份:1995年
出版社 :時報文化

book1

book2