*本文含景點介紹

咦！張相有聲嘅！

冇錯！籃球對小弟黎講已經係入曬血，就算而家受傷打唔到籃球，我嘅生活都係脫離唔到呢樣興趣，好似早前身在鐮倉渡假，縱使黎過幾次都硬係要晌呢度影返張相，每次望到呢個畫面心裡面都會有種血脈沸騰嘅感覺！相信打籃球嘅人有機會唔睇 NBA, 但係冇乜邊個唔睇 SLAM DUNK 「男兒當入樽」 ！唔好同我講「灌籃高手」，呢個 page 係香港人寫嘅。

小弟生於1984，想當年讀中學，好多女同學就係因為睇完「入樽」而鍾意籃球，櫻木、流川、三井、官城、仙度、藤真、沢北 ⋯⋯ 全部都各自有自己嘅粉絲（再次無視赤木），而我自己就偏愛三井同櫻木！我地嗰個年代，打波一來為慳錢，除咗用五蚊買杯「自由斟」之外，基本上係唔使用錢；二來有啲女同學睇住打波，心裡面就會自 high 覺得自己好撚威，打起上黎會份外落力！如果比賽當日有女同學話黎睇比賽的話，為求達到宇宙級嘅表現，朝早起身一定J少次，呢啲回憶諗返起都覺得開心。漫畫入面，晴子問櫻木：「你喜歡籃球嗎？」每次睇返個心都會有種講唔出嘅感動 ⋯⋯ 「我好喜歡！」「我好想打籃球！」但點解我塊半月板冇撚咗？點解條十字韌帶斷撚咗？為咗發洩，點都要跟川島方子講返句「我要殺死丁力呢個仆街！」

大家去開東京又鍾意籃球，不妨黎鐮倉影返張相留念，事關根據路邊社消息透露，張相右手邊晌不久嘅將來會有改動，趁有機會好快啲影！黎鐮倉除咗影相，仲有好多寺廟同靚景睇，又可以同老婆/情人/女朋友行吓江之島浪漫吓。去東京唔好淨食同不停 shopping, 抽兩三日時間休息 hea 吓 relax 吓！得閒就放鬆啲啦香港人！事關689繼續做特首，連廢柴都做到局長，擺明與民為敵，所以香港嘅未來真係需要我地出盡力黎守護！除非你係和理非非嘅大愛左膠撚一名 ⋯⋯ 咁就冇嘢好講喇。

到達方式：
1.新宿搭「小田急浪漫特快」列車到片瀨江之島或「小田急列車」到藤沢轉乘「江之電」
2.乘搭「江之電」晌「鐮倉高校前」落車 (直行 2 分鐘即到)

建議：
*如即日來回東京就買 one day pass
*有時間鐮倉住一晚，夜晚海邊睇星星