港男講籃：低 估
奪冠核心兼總決賽MVP離隊走人，可能你會覺得速龍呢支衛冕冠軍拎到一年冠軍都夠皮啦。真係Sorry，你咁諗就錯得交關！
雖然常規賽戰績「只係」東岸第二，但復賽後嘅速龍已經三戰全勝，係目前唯獨三支全勝嘅球隊其中之一(另外兩隊分別係溜馬及太陽)，當中Fred VanVleet嘅表現更加係搶眼到爆！
上季都只係後備嘅VanVleet，因為Kawhi走人而被安排同Lowry組雙控衛，一老一嫩又夾得幾妙，VanVleet甚至成為而家復賽後速龍嘅隊內得分王添！
無咗Kawhi呢粒星速龍可能無上季咁受關注，但係絕對唔可以睇小佢地奪冠後嘅經驗值加成，同衛冕嘅決心，今屆總冠軍熱門仍然絕對有佢地份！
八月 / 二〇二〇
