港男講籃:闘魂

2015/10/10

Derrick Rose 絕對係一位傳奇人物,你鍾唔鍾意佢都好,佢始終都係 NBA 歷史上最年輕既 MVP 得主!2008 年出道已經一嗚驚人,睇親佢打波都會講句「痴撚線」,根本佢係顛覆緊打籃球嘅模式!直角假身、無定向喪心病狂間歇性全身機能不協調嘅變速、入樽炸籃框等 ⋯⋯ 種種跡象都顯示呢條友係「癲」嘅!其實真心佩服,體格再好都未必可以做到佢所做嘅動作同節奏。好可惜天意弄人 ⋯⋯

「大時代」入面原本 方進新 一家人開開心心,點解 丁蟹 條仆街係要打死佢先安落?點解好人往往要早死,壞人就一生富貴榮華?正正常常出糧咪好囉,係都要柒住黎攪乜撚 MPF 啫?呢筆我地遲啲再慢慢講!自從 2012 季後賽開始,D.Rose 佢先後三次膝頭重創,我地打開波都知,膝頭受傷真係隨時收得山,更何況佢打緊嘅係 NBA 而唔係打 NBA 2K15?佢係斷十字韌帶而唔係十條鞋帶呀屌!

我唔明世界上點解有咁多仆街笑鳩佢,話佢呃錢、整死成隊公牛、又幫佢設計個輪椅 logo、叫佢退休唔好阻住球隊發展等 ⋯⋯ 嘩屌!人地受傷佢想架?你老味你地唔會傷病架?諗都諗到 D.Rose 佢承受住幾多壓力,普通人應該一早放棄或癲咗十世。但上面提及過話呢條友「癲」係冇錯!佢先後三次復出,一而再再而三咁重返球場殺敵!對上一次就係幾個月前,為咗趕到季後賽前復出,佢竟然選擇移除部分半月板,極速回歸!而且表現比外界預期好十萬倍!佢所背負嘅壓力、忍受嘅痛楚、流過嘅血汗淚水等等,真係難以想像。作為球迷,希望佢健健康康,因為佢而家根本係燃燒緊自己嘅職業籃球員生涯,放手一搏,唉 ⋯ 有洋蔥添,唔講住。

利申:我係撐公牛!

D.Rose 精彩片段回顧(堅精彩):
http://youtu.be/JAr1IwtVLAQ

DROSE3